Deutsch | Rumantsch | English

Allegra - bainvgnüts

La chasa da museum pompusa impreschiunescha cun sias arcadas dal temp da renaschimaint vain nomnada la „chà gronda“ o eir „la clostra“. Sar Eberhardt sco ün dals signuors da Tarasp, vaivan propcha fundà dal 1098 üna clostra in Plaz in la part istorica Praem da Scuol ed i pudess tuot esser cha’ls mürs da basa chi inroman ils portals e sun da crap da tuf, toccaivan pro’l complex da la clostra. Davo blers evenimaints sur tschientiners s’ha fuormada la „chà gronda“ tanter l’on 1702 fin 1704 a la fuorma hoz existenta.

L’on 1954 es gnü fuondà il museum in quist stabilimaint sco „Museum regiunal d’Engiadina Bassa“. La chasa sco tala dà invista al viver e lavurar e documentescha la cultura da fabrichar e da cultura in üna chasa tipica engiadinaisa.