Stüva da Lavin
La stüva da Lavin construida dürant il 16avel tschientiner correspuonda a la stüva originala engiadinaisa. Invezza da fanestras vezzaina quia cuckers cun uschöls per stumplar. Las fouras gnivan da seis temp surtrattas cun üna vaschia da püerch secha. La stüva muossa fingià l'uorden tipic da las chasas engiadinaisas : dasper la porta es la pigna chi gniva s-chodada da la chadafö davent. Il bural ed üna s-chalina stretta maina sün chombra i'l plan sura.
